قصيدة يابرقه

يابرقــه وين الرجــاله ؟
حالتك حاله
بترولك سرقوه قـباله !
يابرقه !

... ... بترولك سرقه القـــذافي
ماهو خافي
أمر اليوم حقيقي صافي
مايحتاج كــلام صحافي
حكم أفعاله
فقـر وغدر وزاد رزاله
يابرقه !

يابرقه وين الرجـــاله ؟
حالتك حاله
بترولك سرقوه قبــالــه !

بترولك سرقوه عصابه
موش غرابه
القــــذافي ومعــاه كــلابه
في بنوك الطليان حسابه
غادي شاله
يبزعق فيه هو وعياله !
يابرقه !

يابــرقه التاريخ ينــادي
وين أمجادي ؟
لمرابطين مع السعـادي
هلي أمس أحرار بوادي
اليوم في حاله
تحت القذافي وأنعـــاله
يابرقه !

يابـــرقه حــــالك بكاني
اليوم تعاني
في يدين الطاغوت الجاني
حكمه أشر من الطلياني
حكم سفاله
تشنيق ومافيش عـــداله
يابرقه !

يابرقه لمعـــيشه زرقه
اليوم الـسرقه
عيني عيــنك ماهي درقــه !
نوضي نيين عجاجك يرقى
دولي داله
ع الطاغي المجرم وأنذاله
يابرقه !

يابرقــه وين الرجــاله ؟
حالتك حاله
بترولك سرقــوه قباله !
يابرقه !

تعليقات

إرسال تعليق

لا تذهب قبل ان تضع تعليق

المشاركات الشائعة من هذه المدونة

الأمثال الشعبية الليبية

أمثال شعبية (المجموعة الأولى) انده العزاز، يبقى لك دبار: يضرب للسخرية من الكسول، يتفنن في اختراع الحجج والمبررات للتهرب من مما كلف به من عمل. دز وليدك للغابة، يجيب مثيله م العيدان : ابليس ما يخرّبش عشّه: يضرب في معرض تفسير ما يتمتع به بعضهم من نعيم وثراء، رغم مفاسدهم وشرورهم. بنادم طبيب نفسه: يعني أن الإنسان أدرى بنفسه وما ينفعها ويضرها. اجبد ولا ترد، حتى الجبال تنهد: يضرب في قدرة المرء على تحقيق أهدافه مهما كانت صعبة أو بعيدة المنال. احسبني كيف خوك، وعاملني كيف عدوك: دعوة إلى التمييز بين العلاقات الودية العاطفية، والعلاقة التعاملية في الأعمال والتجارة. احييني اليوم ، واقتلني بكرة: يضرب في تفضيل العاجل المؤكد، على الآجل المأمول. اختار الرفيق ، قبل الطريق: يضرب في أهمية اختيار الصديق والرفيق. أخيه ، وعينه فيه: يضرب في
قراءة المزيد

غـــنـــــاوي وشـــتـــــاوي على ( الــــقــــــديـــــــم )

صورة
❤❤ ❤❤ OLD LOVE ❤ ❤❤❤ كبدى يالقدم عليكم ❤❤❤ ذابت غير القسم اخطيكم ايش اينسكم يالقدم ❤❤❤ قرابة فى الجيرة والدم جميع أوقاتى يالقدم ❤❤❤ عليكم ومعاكم والكم يا القديم بعيدا عنك ❤❤❤ لاني من النوم ولا منك انكان من قديم ابريت ❤❤❤ علي مريض ماعادننشغل امسكها يالقديم علي ❤❤❤ نين انموت اوعرقك حي جديد ماملالي عين ❤❤❤ بلاقديم دوة فاضية اللي وجعتني من الايام ❤❤❤ قديمي تما شعبي عام لفى عالخاطرصوب جديد ❤❤❤ مكانك يالقديم يريد قديم علينا ويش يعد ❤❤❤ سلاما تما رفعت يد يالجديد ايش الى درته ❤❤❤ لين قديم هناك دفرته السم مداواتا بالسم ❤❤❤ جديد ينسينى لقدم راح قديم الله لا يرده ❤❤❤ ماملى قاعد يجدى نار قديم انخمد فيها ❤❤❤ تاكل كل جديد ايجيها يالقديم أمسك في غيري ❤❤❤ من سدرك فكيت حريري صعيبة ننساء ناس اقدم ❤❤❤ غلاهم متخلط فى دم قديم حلفنا ما ننسوه ❤❤❤ ايدورن ليام ونلقوه الي تطرطش ماتلتم ❤❤❤ امعاكم فضت يالقدم اتصدق مايصدقها حد /اقدم شالوني شور اجدد يالقديم الله لا ايردك/ ماني ملك البوك وجدك قديم انسيني لكن طز / جديد امع
قراءة المزيد

ما بي مرض غير دار العقيلة.. للمجاهد الفقيه رجب بوحويش

مابـي مرض غير دار العقيـله .. وحبس القبيله .. وبعد الجبا من بـلاد الوصيـله مابي مرض غير حـد النكاد .. وشوية الـزاد .. وريحـة اللـي مجـبرة بالسـواد الحمرة اللي وين صـار العناد .. عناتها طويـله .. لها وصف ما عاد تـاجد مثيـله مابي مرض غير واجـد مرايف .. والحال صايف .. على عكرمة والعدم والسقايف وحومة لفاوات عز العطايف .. حتى وهي محيله .. تربي المهـازيل جلـة خويلـه مرايف علي عكرمة والسراتي . . اللي هن مناتي .. انشكرن ان طلتهن في حياتي علي وين يخطرن ننسـى اوقاتي .. دمعي نهيله .. زواعب علي لحيتى سال سيله مابي مرض غير مطرى الحرابي .. خيرة أصحابي .. الضرابين والمكوعظ ينابي ركابيـن كل حمرة دعـابي .. الطايـح تشيلـه .. نضـيده رفاقاه قبلوا جميـله مابي مرض غير فقد الرجال .. وفنية المال .. وحبسة نساوينا والعيال والفارس اللي يقدع المال .. نهاره جفيله .. طايع لهم كيف طوع الحليله طايع لهم كيف طوع الوليه .. إن كانت خطيه .. نرمي الطاعة صباح وعشيه نشيل في الوسخ والمويـه .. معيشة ذليلـه .. مفيت ربنا يفزع يفك الوحيلـه طايع لهم كيف طوع الوصيف .. نسيت الوظيف .. بعد بقيتي كنت ظاري عفيف نصبي بلا حيل عندي خفيف ..
قراءة المزيد